قديم منذ /02-13-2014, 03:35 PM   #1

أبوشهد
إداري

أبوشهد غير متواجد حالياً

 رقم العضوية : 70
 تاريخ التسجيل : Feb 2014
 المكان : الرياض
 المشاركات : 27
 النقاط : أبوشهد is on a distinguished road
 تقييم المستوى : 10

افتراضي اليايات والمساعدات الاسترالية .. ماهي ؟ ومتى تحتاجها؟ شرح مبسط

اليايات والمساعدات الاسترالية ماهي ومتى

السلام عليكم ورحمة الله وبركاته.

اخواني الرائعين اعضاء منتدانا المحفوف ومجلسنا العامر .. منتدى لاندكروزر

تعرفون يالغالين الشتاء جاي وكثر السوال عن فائدة اليايات والمساعدات ..


فهذا شرح مبسط حاولت اني اوصل فكرة عمل ياي الوكاله و الياي الاسترالي والفرق بينهم .. وهل تحتاج لتركيبها ام لا ؟
وماهي الانواع المناسبه لسيارتك .. وماعمل المساعدات الاسترالية وفرقها عن اليايات ..


وقسمته لثلاثة محاور رئيسية .. <***** يبي يلقي محاضرة اليايات والمساعدات الاسترالية ماهي ومتى..


ملاحظة .. المقصد بالياي والمساعد الاسترالي هو الرياضي ولكن سمي استرالي نسبة لبلد المصنع . وهي التي تستخدم في الراليات ورياضة السيارات .



اليـــــايــــات(السبرنقات) :

كثير من الشباب يسمع عن اليايات الاستراليه وانها ممتازة .. وممكن انه يغير يايات موتره ..
وهو مايدري وش السالفه بالظبط ..
ووش فايدتها وميزاتها وسلبياتها ..
يعني مع الخيل ياشقرا وبساليايات والمساعدات الاسترالية ماهي ومتى ..

اولا هذي شكلها ومكانها .. وتكون عند كل كفر ..


اليايات والمساعدات الاسترالية ماهي ومتى




ومهمتها انها تشيل جسم السياره .. وتجعلها مريحه وسلسه في المطبات ..

يعني ان السياره تكون على سبرنق .. ينظغط في المطب القوي ويتمدد في الحفر ..
بحيث يعطي مرونه للكفر وحريه انه يتحرك للاعلي والاسفل بدون ما يحرك معه جسم السياره ..

وميزته انه يجعل السياره اكثر راحه ..

لكن ..


لو حملت اوزان كبيره ..

بينظغط ياي الوكاله للاخير .. حتي يتطابق على بعض وما يكون له مجال انه يتحرك ..
ويكون عباره عن كتله من الحديد.. ويبدا جسم السياره يضرب في الاجزاء السفليه..


وايضا عند الانعطاف الحاد .. ينضغط الياي من جهة الانعطاف .. وتميل السياره بشكل كبير ..

هنا ناتي لفائدة الياي الاسترالي ..


الياي الاسترالي مصنوع ومفتول من حديد اعرض واسمك من ياي الوكاله وعدد لفاته اكثر فيعطيه قوه في التحمل .. بحيث ما ينظغط بسهوله ..

وبالتالي ما تنزل السياره عند التحميل ولا تميل عند المنعطفات الحاده .. وتكون اكثر رساوة.

وكلما زاد عرض الحديد للياي الاسترالي وكثرت لفاته .. زاد تحمله ومقاومتة للانضغاط..

وهذي صوره للياي الاسترالي .. ولاحض سمك الحديد وعدد اللفات ..
اليايات والمساعدات الاسترالية ماهي ومتى

اليايات والمساعدات الاسترالية ماهي ومتى


و هذي صور ياي الوكاله .. ولاحظ الفرق في سمك الحديد وعدد اللفات اقل ..

اليايات والمساعدات الاسترالية ماهي ومتى

اليايات والمساعدات الاسترالية ماهي ومتى


اليايات والمساعدات الاسترالية ماهي ومتى



ميزات الياي الاسترالي " الطقم كامل " ..

1 - اكثر رساوة في المنعطفات والسرعات العاليه ..
2- عدم نزول السياره عند التحميل ..
3- ارتفاع السياره" بحسب رقم الياي" ..
4-ثبات السياره في البر بشكل ممتاز .


سلبياته " اذا ركبت الطقم كامل " :

1- في حاله عدم التحميل يكون مطبه قاسي والسياره غير مريحة .



طيب لماذا تويوتا لم تضع من البدايه الياي سميك وعريض في المفخرة ..

والسبب ان غالب الاستعمال يكون عادي ومتوسط.. فيتم تصنيع مواصفات السيارات على اساس انها تستخدم للتحميل 8 اشخاص عاديين باغراض عاديه ..


لكن

في السفريات و التحميل عندنا ..

تحصل في السياره 7 حريم و3 رجال و12 بزر.. و 13 شنطه و 8 جراكل زمزم من مكه وكرتونين رمان لجدتهم اليايات والمساعدات الاسترالية ماهي ومتى .. مثل هالصورة ..

اليايات والمساعدات الاسترالية ماهي ومتى


لاتفوتك العباة اليايات والمساعدات الاسترالية ماهي ومتى

ههههههه..

ثم يقول اليابانين ابخص .. وخل الموتر شد بلد .. ولانيب مغير شي ..


هذا خطاء وخطر وتحميلك الزائد في السفر .. يعتبر استخدام خاص وليس عادي . ويجب اضافة متطلبات لهذا الاستخدام الشاق ..


طيب هل تحتاج الياي و كيف تختار الياي المناسب لك ؟

اشوف ان الشباب ينقسمون لاربع اقسام ..

الاول .. ناس راعين سفريات وتحميل و بر (لكن ليس تطعيس )
و تانكي ماء وعزب واغراض ..

"مثل الصورة الي فوق "
وهم الاغلب .

فينصح بانك تغير الياي الخلفي فقط , بالرقم 721.. ليتحمل هذه الاوزان ..وايضا يساعد في الحفاض على توازن السياره في المنعطفات ..

الثاني : اذا تحميلك قليل ..

ممكن تغيرالخلفي فقط لـ 720 يكفيك ..

"سيتم شرح الارقام لاحقا .."


اما الثالث [COLOR=DarkRed] اذا كنت تستخدم السياره استخدام عادي للدوام وسفريات بدون تحميل كثير وطلعات خفيفه للبر ..

ماتحتاج ياي استرالي ..



اما القسم الرابع والاخير ..

فهم راعين الجلد وكرف الموتر والتطعيس والمطامر والنقز والنقيز .. وهم الاقل ..

وهؤلاء لازم انهم يغيرون الياي الامامي ايضا .. و المساعدات ..

لان الياي الامامي يصلح للي يراقى ( يطاعس) وللجلد بالردميات وغيره ..

ويفضل انه يغير المساعدات مع اليايات عشان مايلعب وجه موترع بالبر والطعوس ..

واعتبر هالصورتين تمثل الفشل الذريع لياي ومساعد الوكاله في التطعيس ..

شف كيف طالع فوق..

اليايات والمساعدات الاسترالية ماهي ومتى


وهنا كيف نازل مررره ..

اليايات والمساعدات الاسترالية ماهي ومتى





وهذا يسبب ارتطام وجهية السياره بالارض .. فينكسر الصدام او يحك الكفر الامامي بالصاجه واقلها انك تفقد السيطره على السياره ويضيع عزم الموتر ..

لذالك الي من هالنوع ..

يركب ياي استرالي مع مساعدات استراليه ..

ويختار الياي الامامي له من 700 حتي 703
وكل ما اخذت اكبر ارتفعت السياره اكثر وقلت الراحه وزاد الثبات
اما الياي الخلفي
فيبدا من 720 مشابهه للوكاله حتي 726 وهو اكبر شي وكل مازاد الرقم زاد التحمل والثبات وقلت الراحه





الفرق بين الياي الاسترالي والمساعد الاسترالي:

الياي السترالي قلنا انه عريض ويقاوم الانضغاط وعدد لفاته اكثر .. لذلك فهو يقلل من مدى تحرك السياره للاعى والاسفل ..

يعني ..

لو اخذت لك مطب بياي الوكاله ... بترتفع وجيه السياره 10 سم (مثال) ثم تنزل 10 سم ..

اما الياي الاسترالي .. يترتفع 5 سم وتنزل 5 سم فقط ..

يعني الياي الاسترالي يقلل من مدى ارتفاع ونزول السياره .. " مثل الصورتين في الاعلي "


اما عمل المساعد كالتالي ..

تخيل ان السياره بدون مساعدات .. ايش بيصير ..

لو اخذت مطب بنقز الموتر ويستمر يطلع وينزل ويناقز ولن يثبت الا بعد ما يرتج مخك ..
وهذ ميزة المساعد ..

انه يمنع السياره من الارتدادات او المطامر بعد المطب .. والاستمرار فيها ..

وميزة الاسترالي انه بعد ما تاخذ مطب (مثلا ) يطلع وجه الموتر ويثبت مباشره بعدها ..

اما مساعد الوكاله .. فيطلع ثم ينزل ثم يطلع ثم ينزل ثم يثبت .. حتى لو انك مركب ياي استرالي ..

وميزة مساعد الوكاله انه مريح لكن بالبر .. ما ينفع ولا بريال وربع ..

لانه ممكن يستمر في المطامر حتي يظرب وجهه في الارض من شده القفزه او الظربه ..
لذا لابد من تثبيته .. وهذه مهمة المساعد الاسترالي .. انه يثبت السياره..


الخلاصه ..

الياي الاسترالي يقلل من مسافه تحرك السياره للاعلى والاسفل ..

المساعد الاسترالي .. يثبت السياره ويمنعها من تكرار التحرك للاعلي والاسفل ..



انواع اليايات والمساعدات الرياضية :

المتوفر للاندكروزر تقريبا ثلاث انواع ..

النوع الاول ..

اليايات والمساعدات الاسترالية ماهي ومتى



كت كامل (طقم كامل) اربع يايات واربع مساعدات .. يباع مع بعض .. اليايات و المساعدات ..

الماركة : lovells
الصناعة : استرالية
القيمة : 3200 ريال تقريبا. للكت كامل .
موقع البيع : محل 4500 في شارع الثلاثين في حي الربوه بالرياض وهو وكيل فلاتر K&N بالرياض .
رقم التواصل : صاحب المحل .. الاخ عبدالله .. 0558884500 من طرف ابوشهد من منتدى قروب لاندكروزر

يرفع السياره 1 سم عن الوكاله .. وهو جيد للي مايبي يرفع سيارته كثير .. ويباع الكت كامل.

ويوجد منه عده انواع للمساعدات واليايات وغير متوفره عنده وهي من افضل اليايات والمساعدات للاندكروزر

ولم اجربه ..لكن اغلب الشباب ركبوه ويمدحونه بلحيل

وهذا رابط موقع الشركة ..

Lovells Pty Ltd - Suspension for the ride of your life

صور للطقم ..



اليايات والمساعدات الاسترالية ماهي ومتى


يتبع





قروب, تانكي, مفخرة الارض, هدد , تطعيس, ابوشهد, خيال المفخرة, قلب ذيب, لاندكروزر, جكسار, فكسار, تويوتا, land cruiser,landcruiser,Toyota,gxr, vxr,landcruisergroup, يايات , مساعدات استرالية

كلمات البحث

العاب ، برامج ، سيارات ، هاكات ، استايلات





hgdhdhj ,hglshu]hj hghsjvhgdm >> lhid ? ,ljn jpjh[ih? avp lfs' ghk];v,.v lshu]hj hsjvhgdm ltovm hghvq hf,ai] jhk;d j,d,jh j'uds gxr dhdhj odhg hgltovm [;shv land cruiser landcruiser landcruisergroup toyota vxr t;shv i]] rgf `df rv,f








  رد مع اقتباس
قديم منذ /02-13-2014, 03:35 PM   #2

أبوشهد
إداري

أبوشهد غير متواجد حالياً

 رقم العضوية : 70
 تاريخ التسجيل : Feb 2014
 المكان : الرياض
 المشاركات : 27
 النقاط : أبوشهد is on a distinguished road
 تقييم المستوى : 10

افتراضي

النوع الثاني ..

كت كامل (طقم كامل) اربع يايات واربع مساعدات ..يباع مفرق .. كل مساعد او ياي لوحده ..

الماركة : Old Man Emu Suspension
الصناعة : استراليه .. تجميع صيني .
القيمة : 500ريال تقريبا.*للياي الواحد.
مواقع البيع :مراكز الرماية + محل 4500

يرفع السياره من 1سم حتى اكثر من 7 سم حسب مقاس الياي ." بدون اي اغراض او تحميل" .
ومقاسات الياي الخلفي كالتالي :

720 يرفع 2- 3 سم ..
721 يرفع السياره من 3-4 سم وهو المناسب لاستخداماتنا ..وهو الي بالصور المرفقه ..
722 يرفع السياره من 4-6 سم , عريض جدا ..ويتحمل اوزان عاليه .
723 6 -7 سم وعريض جدا .. ويتحمل اوزان عاليه جدا .
724 غير متوفر .. حسب الطلب
725 غيرمتوفر..حسب الطلب
726 غيرمتوفر..حسب الطلب

اما الياي الامامي فيجي
700 -3سم
701-5سم
702-7سم
703-8سم

والارتفاع تقديري من رفع الوكاله وقد يختلف 6 سلندر او وونش شي بسيط ومع الاستخدام ايضا ينزل من 1 سم حتي 2 سم
برضو على حسب احتياجك
وتمت تجربته وممتاز ..

لكن مشكلته في حالتة تركيب اليايات الامامية على مساعدات الوكاله .. لازم تسخن وتوسع الياي ..
اما على المساعد الاسترالي فيطبق احلى كلام
وميزته ممكن تقلب الفنجال في المساعد وينزل 3 سم تقريبا مع الحفاظ على الياي القوي
وهذا رابط موقع الشركة ..

ARB Products | ARB 4x4 Accessories



[/COLOR]

النوع الثالث ..





يايات استرالية .. يرفع السيارة (وهي فارغه) من مقاس الوكالة .. حتي 7 سم .

الماركة : king springs
الصناعة : استرالية اصلية .
القيمة : 1350 للطقم.*
موقع البيع : محل 4500 .

يرفع السياره من مقاس الوكاله .. حتى 7 سم


.. وميزتها ان اليايات الاماميه تطبق على مساعدات الوكاله الامامية بدون توسيع او تعديل.

وهذي صورتة الياي وهو راكب على مساعد الوكاله الامامي بدون تعديل . او توسيع .





وهذا رابط موقع الشركة ..

King Spring Automotive Aftermarket Springs

صورة الطقم ..













صورة جماعيه للانواع الثلاثة .. .. والاصفر "كنج"يعتبر الافضل ثم الاسود"اولدمان" ثم الازرق (مناسب للاستخدام الخفيف ويجي منه انواع للاستخدام الشاق وهو افضل الانواع في مجاله للاستخدامات الشاقه ) .







وأخيرا ..


التركيب ..

انصح بالاخ مبارك الي في الصناعية ,,

وهذا رقمه ..

0557701086

وهذي ارقام جوالات الي يشتغلون معاه ايضا ..

0541923207
0506436883

اما

السعر ..

فتركيب اربع مساعدات مع اربع يايات من المفروض انه ياخذ من 250 حتى 300 بالكثير للطقم كامل

وانت وشطارتك ..

ومن المعروف ان الياي الامامي اصعب شي ..

اما الخلفي فسهل جدا تركيبه ..

وبالنسبه لاصحاب الفكسارات .. برضو تركب بدون اي مشاكل .. ولا له اي دخل بنضام الكي دي اس اس .

اما الوقت ..

فمن يوم يبدا الشغل .. ساعتين بالكثير للاربع مساعدات واربع يايات ..

والخلفي فقط ياخذ نص ساعه ..

اما الامامي فهو الي ياخذ اغلب الوقت ..


وهذا مقطع فيديو للموضوع باليوتيوب

YouTube - &#x202b;قروب مفخرة الارض انواع اليايات الاسترالية خيال المفخرة ابو شهد&#x202c;&lrm;


ارجو اني قدمت شي يفيد اعضاء قسم اللاندكروزر في منتدي سيارتك

والغالين على قلبي ..

واي استفسار .. حاضرين لكم ..

ولكم ارق التحيه والود ..

محبكم واخوكم ..


ابوشـهد







  رد مع اقتباس
قديم منذ /02-14-2014, 05:40 AM   #3

ابو فهد
عضو

ابو فهد غير متواجد حالياً

 رقم العضوية : 78
 تاريخ التسجيل : Feb 2014
 المشاركات : 8
 النقاط : ابو فهد is on a distinguished road
 تقييم المستوى : 0

افتراضي

ما قصرت اخوي ابو شهد كفيت ووفيت يالغالي لكن يخوك انا معي لاند 2011 g وودي ارفعه رفعه كويسه بحيث انها تعطي شكل
ولا يفرق معي الموتر من حيث الاداء والراحة
وللعلم ما خلاني ابي ارفع الموتر الا ان الموتر اروح اماكن وعره ويحك من قدام واحياناً من ورا عقب ما حطيت التانكي
وش تنصحني يالغالي ؟








  رد مع اقتباس
قديم منذ /02-17-2014, 08:42 PM   #4

majed alothman
إداري

majed alothman غير متواجد حالياً

 رقم العضوية : 20
 تاريخ التسجيل : Feb 2014
 المشاركات : 110
 النقاط : majed alothman is on a distinguished road
 تقييم المستوى : 10

افتراضي

الله يعطيك العافية يبو شهد موضوع كامل الدسم

ابو فهد عليك بطقم لفلز ونم

جربت الاولد مان بطل ................... واللفلز افضل منه

وعندنا بالقروب ناس واجد مركبه اطقم لفلز وامورهم طيبه

وومكن يفيدونك اللي يسيرون على الموضوع

وعند بالقروب عاصم ممكن يوفر لك الطقم والقطع اللي تبيها








  رد مع اقتباس
قديم منذ /02-19-2014, 07:28 AM   #5

A.A.AL-BURAIH
عضو فعّال

A.A.AL-BURAIH غير متواجد حالياً

 رقم العضوية : 45
 تاريخ التسجيل : Feb 2014
 المشاركات : 34
 النقاط : A.A.AL-BURAIH is on a distinguished road
 تقييم المستوى : 0

افتراضي

الله يعطيك الف عافيه يابوشهد








  رد مع اقتباس
قديم منذ /04-01-2014, 01:50 PM   #6

ثامر الظفيري
عضو نشيط

ثامر الظفيري غير متواجد حالياً

 رقم العضوية : 125
 تاريخ التسجيل : Mar 2014
 المشاركات : 15
 النقاط : ثامر الظفيري is on a distinguished road
 تقييم المستوى : 0

افتراضي

الله يعطيك العافيه يابو شهد

موضوع متكامل وشيق الاطلاع عليه

اشكرك على بذل الجهد في اخراج موضوع مميز

وشكرآ








  رد مع اقتباس
قديم منذ /07-09-2014, 02:10 PM   #7

هدد2000
عضو

هدد2000 غير متواجد حالياً

 رقم العضوية : 154
 تاريخ التسجيل : Jul 2014
 المشاركات : 3
 النقاط : هدد2000 is on a distinguished road
 تقييم المستوى : 0

افتراضي

اخوي ابو شهد ابي شورتك .. انا عندي لاندكروزر 2000 ومطلعه على يدي .. هل تنصح اغير المساعدات او اليايات بعد هالسنين كلها والممشى ؟ علما بان حالتها لا زالت اوكي بس احس مش مريح مع المشي على الردميات او الحصى

ارجو ان تتكرم لي بالرد وجزاك الله خير








  رد مع اقتباس
قديم منذ /07-16-2014, 12:51 PM   #8

هدد2000
عضو

هدد2000 غير متواجد حالياً

 رقم العضوية : 154
 تاريخ التسجيل : Jul 2014
 المشاركات : 3
 النقاط : هدد2000 is on a distinguished road
 تقييم المستوى : 0

افتراضي

للرفع والتذكير يابو شهد








  رد مع اقتباس
قديم منذ /10-04-2014, 08:34 PM   #9

عادل الكلدي
عضو

عادل الكلدي غير متواجد حالياً

 رقم العضوية : 182
 تاريخ التسجيل : Oct 2014
 المشاركات : 1
 النقاط : عادل الكلدي is on a distinguished road
 تقييم المستوى : 0

افتراضي

السلام عليكم ورحمة الله وبركاته
اخوي ابوشهد حفظك الله ورعاك
عندي باجيرو 2005 وحبيت ارفع السيارة بحيث اني اقدر استخدمها بالاراضي الوعرة
حاولت اغير الكفرات الخلفيه بمقاس أكبر شوي بس للاسف صار الدبل مايشبك معي
ياريت تفيدني هل تغيير اليايات لمقاس أكبر شوي مع المساعدات الوكاله مايأثر على الدبل وايش هو المقاس الصحيح من يايات اولد مان( رقم الياي)
وجزاك الله خيراً








  رد مع اقتباس
قديم منذ /11-03-2016, 01:40 PM   #10

ناصرحسين
عضو

ناصرحسين غير متواجد حالياً

 رقم العضوية : 610
 تاريخ التسجيل : Nov 2016
 المشاركات : 1
 النقاط : ناصرحسين is on a distinguished road
 تقييم المستوى : 0

افتراضي

وااااااااااااافي وبيض الله وجهك هلى الموضوع المميز








  رد مع اقتباس
إضافة رد

الكلمات الدليلية (Tags)
لاندكروزر, مساعدات استرالية, مفخرة الارض, ابوشهد, تانكي, تويوتا, تطعيس, gxr, يايات, خيال المفخرة, جكسار, land cruiser, landcruiser, landcruisergroup, toyota, vxr, فكسار, هدد, قلب ذيب, قروب

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



Bookmark and Share


الساعة الآن 03:09 AM

أقسام المنتدى

لاندكروزر (LAND CRUISER) | كل مايتعلق بالاسطورة لاندكروزر (استفسارات ، تقارير ، تجهيزات ، مواصفات) | قروب لاندكروزر | نشاطات القروب (الرحلات والتجمعات والإعلان عنها) | البيع والشراء | سيارات ، تجهيزات ، كماليات | يهمنا رايك | الاقتراحات والشكاوى | الإدارة | قسم المشرفين | قسم الادارة | مجلس قروب لاندكروزر ( عام ) | المواضيع العامة والسيارات الاخرى | لوازم الرحلات واخبارها وتقارير الطقس |



Powered by vBulletin™ Version 3.8.7
Copyright © 2018 vBulletin Solutions, Inc. All rights reserved. منتديات
This Forum used Arshfny Mod by islam servant

موقع قروب لاندكروزر هو لمجموعة من مالكي ومحبي جيوب لاندكروزر ولكزس ولا يمثل
الموقع شركة تويوتا المالك الرئيسي لعلامة TOYOTA ولا يمثل أي من وكلائها أو
موزعيها.
جميع المواضيع او المشاركات المطروحة تمثل وجهة نظر كاتبها فقط.