قديم منذ /02-09-2014, 12:13 PM   #1

أبومفلح
 
الصورة الرمزية أبومفلح
عضو نشيط

أبومفلح غير متواجد حالياً

 رقم العضوية : 63
 تاريخ التسجيل : Feb 2014
 المشاركات : 13
 النقاط : أبومفلح is on a distinguished road
 تقييم المستوى : 0

افتراضي قصتي من الألف إلى الياء مع صوت صفير (تنسيم) القزازة الأمامية وأبشركم إنحلت .. تفضلوا

السلام عليكم ورحمة الله وبركاته


حي الله كلن بإسمه أعضاء وزوار المنتدى


في البداية أحب أبارك لكم افتتاح هذا المنتدى الله يجعله خير ومتمم لمسيرة القروب واسمحوا لي بهالمشاركة الأولى لي وان شاء الله انها بادرة خير وفايدة للجميع ..




(شرح للمشكلة)




بداية المشكلة كانت قبل سنه ونص تقريباً ظهرت في موتري فكسار 2011 ماشيء 2000 كيلو فقط ، وكنت راجع مع خط خريص ، و أمشي بسرعة 200 ك/م وكان ع الموتر كفرات بالون بدأ يطلع لي صوت غريب صفير خفيف يجي ويروح استغربت ولكن هديت السرعة لـ180 ك/م وراح الصوت ..


ولكن قعدت تقرقع في تسبدي موتر قيمته فوق الربع مليون ويصفر على راسي !! سألت كذا شخص قلت قد مر عليكم هالشيء فقالو لي لا ، وكنت أسأله قبل كم أعلى سرعة وصلت لها بكروزرك فالغالب ماتعدى الـ160 ، فقلت يمكن هالمشكله بعد الـ200 ..


دارت الايام وصارت تطلع لي على سرعه 180 ، وبديت اهدي وقلت ان شاء الله انها خيره علشان ما اسرع وصرت ما اتعدى الـ160 ..


لين جت الطامة وطلعت لي على 140 ك/م ، عندها قلت يا تتصلح هالمشكله يا ابيع الموتر الوضع ماعاد ينسكت عنه ..




(الهواش مع ابوجميل)


يوم دخلت موتري لتشيكك 10.000 عند الوكالة كلمتهم عن المشكلة وقلت ان صوت الصفير هذا يطلع بعد الـ 160 ، فقالي الموظف والله ما نقدر نطلع معك فني مختص يمشي بالسيارة فوق سرعة الـ120 ، لان قد صارت معنا مشاكل مع المرور وساهر .. إلخ ..


قلت طيب يا جماعة الخير وش الحل ، قالو مافيه حل ..


عاد يوم وصل صوت الصفير لـ 140 دقيت ع الوكاله وقدمت شكوى عن الموضوع وجاني رد بعد اسبوع من موظف في الادارة في جدة قالي بكل برود والله ما نقدر نسوي شيء .. قلت خير مهيب مشكلة عطني اسمك بس وعطاني اسمه وسجلته عندي ودقيت ع وزارة التجارة ع الرقم المجاني ، ورد علي موظف خلوق وسمع مشكلتي للآخر وسألني عن الفرع اللي راجعت فيه وخذا المعلومات كافيه ووافيه وشهادة حق بيض الله وجة الموظف ووزارة التجارة على هالخدمة المميزة ..


سكرت من موظف وزارة التجارة وجلست (8 دقايق) فقط ، الا ويرن جوالي رقم ثابت من جدة رديت وطلع مدير مدري ايش في الادارة العامة لشركة عبداللطيف جميل ، وقالي وش المشكلة وشرحتها له وقالي مايصير خاطرك الا طيب بيكلمونك الصيانه وبيحلونها ان شاء الله ..


جلست عقبها ثلاث ايام ويتصل علي مدير قسم الصيانة في فرع البديعه اسمه عثمان حسين وهو سوداني الجنسية ، وقالي مر علي بكره نشوف الوضع وشهو عليه ، مريت اليوم الثاني ودخلت وانصى مكتبه ويرحب وياهلا ويامرحبا ، قال علمني مشكلتك وشرحتها له قالي دقايق بس انادي الفني المختص بهالامور ، شويات الا جاي عين حميده فني باكستاني اسمه اتفاق وأجلس اسرد له المشكلة ويقاطعني قال سيارتك لاندكروزر ؟؟ قلت ايه ، قال يطلع الصوت بعد الـ 160 ، قلت الله الله .. قال ايوا انا معلوم ولقطع الشك باليقين انا مصور مقطع فيديو على 160 يبين صوت الصفير ، شغلت له المقطع قال ايوا معلوم معلوم انا صلحت 100 لاندكروزر نفس المشكله ، قلت الحمد لله طحت لي في واحد باخص للمشكلة هذي ..


دخلت السيارة عندهم الساعه 10 الصباح وخذيتها الساعة 4 العصر ، وتم تغيير ربلات القزازة الامامية ، وجربت الموتر على 200 للتجربة والحمد لله راح صوت الصفير ..


وهذا المقطع اللي مصورة للصفير على سرعة 160
http://www.youtube.com/watch?v=o-4LmJTT4CQ


وهذا رقم وزارة التجارة اللي قدمت علية الشكوى: 8001241616
وهذا رقم مدير الصيانة في فرع البديعه في الرياض (عثمان حسين) : 0566003160


واسم الفني اللي عالج المشكلة (اتفاق) علشان اذا احد منكم راح يطلب ان اللي يحل المشكلة يكون الفني هذا بعينه ، لا يجي اي احد يلعب ف الموتر وهو مايدري وش العلم


في الختام أعتذر عن الاطالة ولكن الهدف من هالموضوع ان الجميع يستفيد ويعالج هالعيب المصنعي اللي مكتمين عنه الوكالة ، وأيضاً بعض الاشخاص اللي يعتقد ان المشكله في الجكسار فقط او في موديلات 2012 وفوق ، فأقوله الكلام هذا غير صحيح هي عيب مصنعي موجود من عام 2008 ولكن في بعض الدفعات، تقبلو أطيب التحايا مني أخوكم أبومفلح ، وأي استفسار أنا في الخدمة.


كلمات البحث

العاب ، برامج ، سيارات ، هاكات ، استايلات





rwjd lk hgHgt Ygn hgdhx lu w,j wtdv (jksdl) hgr.h.m hgHlhldm ,Hfav;l Ykpgj >> jtqg,h









التعديل الأخير تم بواسطة أبومفلح ; 02-12-2014 الساعة 07:37 AM
  رد مع اقتباس
قديم منذ /02-09-2014, 01:15 PM   #2

ح د ق 7444
عضو

ح د ق 7444 غير متواجد حالياً

 رقم العضوية : 58
 تاريخ التسجيل : Feb 2014
 المشاركات : 1
 النقاط : ح د ق 7444 is on a distinguished road
 تقييم المستوى : 0

افتراضي

السلام عليكم
هلا اخوي
انا طلع من موتري الصوت وكان ماشي 5 الاف
موديل الموتر gx 2013
وانا حليت المشكلة بنفسي
المرايه حقتي فيها بوصلة و اضاهر حاطين حساس البوصلة على براء وصارت يبي لها شد المرايه وشديتها وراح الصوت
الحمدلله








  رد مع اقتباس
قديم منذ /02-09-2014, 01:40 PM   #3

أبومفلح
 
الصورة الرمزية أبومفلح
عضو نشيط

أبومفلح غير متواجد حالياً

 رقم العضوية : 63
 تاريخ التسجيل : Feb 2014
 المشاركات : 13
 النقاط : أبومفلح is on a distinguished road
 تقييم المستوى : 0

افتراضي

اقتباس:
المشاركة الأصلية كتبت بواسطة ح د ق 7444 مشاهدة المشاركة
السلام عليكم
هلا اخوي
انا طلع من موتري الصوت وكان ماشي 5 الاف
موديل الموتر gx 2013
وانا حليت المشكلة بنفسي
المرايه حقتي فيها بوصلة و اضاهر حاطين حساس البوصلة على براء وصارت يبي لها شد المرايه وشديتها وراح الصوت
الحمدلله
والله وانا اخوك ذا المشكله طبها عجيب ، لكن كويس انها ضبطت معك بدون تغيير ربلات وحوسه ، وشاكر لك مرورك يالغالي







  رد مع اقتباس
قديم منذ /02-10-2014, 09:52 AM   #4

صالح الرشود
عضو

صالح الرشود غير متواجد حالياً

 رقم العضوية : 49
 تاريخ التسجيل : Feb 2014
 المشاركات : 4
 النقاط : صالح الرشود is on a distinguished road
 تقييم المستوى : 0

افتراضي

شاكر لك اخوي ابو مفلح مشاركتك وطرح تجربتك لفائدة الأعضاء

وما أقول الا بيض الله وجه وزير التجارة وجعلها الله في ميزان حسناته








  رد مع اقتباس
قديم منذ /02-11-2014, 07:07 AM   #5

هاوي دبي
 
الصورة الرمزية هاوي دبي
عضو نشيط

هاوي دبي غير متواجد حالياً

 رقم العضوية : 44
 تاريخ التسجيل : Feb 2014
 المشاركات : 18
 النقاط : هاوي دبي is on a distinguished road
 تقييم المستوى : 0

إرسال رسالة عبر Skype إلى هاوي دبي
افتراضي

شكرا اخوي على طرح مشكلتك وطرح الحل لها
بس الله الله عاد ترفق على نفسك ولا تسرع








  رد مع اقتباس
قديم منذ /02-11-2014, 08:03 AM   #6

أبومفلح
 
الصورة الرمزية أبومفلح
عضو نشيط

أبومفلح غير متواجد حالياً

 رقم العضوية : 63
 تاريخ التسجيل : Feb 2014
 المشاركات : 13
 النقاط : أبومفلح is on a distinguished road
 تقييم المستوى : 0

افتراضي

اقتباس:
المشاركة الأصلية كتبت بواسطة صالح الرشود مشاهدة المشاركة
شاكر لك اخوي ابو مفلح مشاركتك وطرح تجربتك لفائدة الأعضاء

وما أقول الا بيض الله وجه وزير التجارة وجعلها الله في ميزان حسناته
العفو حياك الله يا ابو رشود ، وعز الله ان وزارة التجارة حققت تقدم واضح من وصل الربيعه ، وان شاء الله انه يستمر على فاله ، تحياتي لك

اقتباس:
المشاركة الأصلية كتبت بواسطة هاوي دبي مشاهدة المشاركة
شكرا اخوي على طرح مشكلتك وطرح الحل لها
بس الله الله عاد ترفق على نفسك ولا تسرع
العفووو يالغالي ،، ابشر ابشر بس انت خابرن البوالين ما تحس انها ترسيك ع الخط الا بعد الـ160 ، لكن الله يكفينا شر السرعه هههههههههه







  رد مع اقتباس
قديم منذ /02-11-2014, 02:40 PM   #7

فيصل المحمد
عضو

فيصل المحمد غير متواجد حالياً

 رقم العضوية : 47
 تاريخ التسجيل : Feb 2014
 المشاركات : 5
 النقاط : فيصل المحمد is on a distinguished road
 تقييم المستوى : 0

افتراضي

الف شكر يبو مفلح

الصررراحه انا عندي نفس مشكلتك بالتندرا

والصوووت مثل ماهو ووواضح قووي بالحييل

الله يعطيك الف عافية

وان شاء الله بشووف ورشة تشيك على الربلات الامامية








  رد مع اقتباس
قديم منذ /02-11-2014, 09:16 PM   #8

majed alothman
إداري

majed alothman غير متواجد حالياً

 رقم العضوية : 20
 تاريخ التسجيل : Feb 2014
 المشاركات : 110
 النقاط : majed alothman is on a distinguished road
 تقييم المستوى : 10

افتراضي

الله يعطيك العافية يبو مفلح

والحمد لله انها انحلت مشكلتك

ومشكور على طرح المشكله وحلها وجميع التفاصيل

بخصوص الربلات ............... تقصد ربلات شباك السواق والا القزازه الامامية والا ربلات الباب حق السواق الخارجية

حبذا صورة للربله لاهنت

فكرة الفيديو اللي حطيت بطله ما شاء الله ................. بدال ما نقعد نتخيل ونقلد الصوت ونشرح ههههههه

والا كان نسألك ....الصوت صوووووووووووووو ..... وانت تقول لا........... صاااااااااااااااااااا

هههههه
تحياتي








  رد مع اقتباس
قديم منذ /02-12-2014, 07:41 AM   #9

أبومفلح
 
الصورة الرمزية أبومفلح
عضو نشيط

أبومفلح غير متواجد حالياً

 رقم العضوية : 63
 تاريخ التسجيل : Feb 2014
 المشاركات : 13
 النقاط : أبومفلح is on a distinguished road
 تقييم المستوى : 0

افتراضي

اقتباس:
المشاركة الأصلية كتبت بواسطة فيصل المحمد مشاهدة المشاركة
الف شكر يبو مفلح

الصررراحه انا عندي نفس مشكلتك بالتندرا

والصوووت مثل ماهو ووواضح قووي بالحييل

الله يعطيك الف عافية

وان شاء الله بشووف ورشة تشيك على الربلات الامامية
أول مره أدري انها موجوده بعد في التندرا ، العفوووو يالغالي والهدف يالامير انك تتوصل لحل وعطنا تجربتك اذا عالجتها ان شاء الله
اقتباس:
المشاركة الأصلية كتبت بواسطة majed alothman مشاهدة المشاركة
الله يعطيك العافية يبو مفلح

والحمد لله انها انحلت مشكلتك

ومشكور على طرح المشكلة وحلها وجميع التفاصيل

بخصوص الربلات ............... تقصد حقات قزازة السواق والا القزازة الامامية والا ربلات الباب حق السواق الخارجيه

حبذا صورة للربله لاهنت

فكرة الفديو اللي حطيت بطله ما شاء الله ................. بدال ما نقعد نتخيل ونقلد الصوت ونشرح ههههههه

والا كان نسألك ....الصوت صوووووووووووووو ..... وانت تقول لا........... صاااااااااااااااااااا

هههههه
تحياتي
حياك الله يالغالي الربلات هي اللي بين البدي والقزازة الأمامية اللي مصورها في المقطع والصوت زي ماسمعت صييييييييص ههههههههههههههههه







  رد مع اقتباس
قديم منذ /02-12-2014, 08:26 PM   #10

majed alothman
إداري

majed alothman غير متواجد حالياً

 رقم العضوية : 20
 تاريخ التسجيل : Feb 2014
 المشاركات : 110
 النقاط : majed alothman is on a distinguished road
 تقييم المستوى : 10

افتراضي

هههههه
الله يعطيك العافية








  رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



Bookmark and Share


الساعة الآن 01:14 PM

أقسام المنتدى

لاندكروزر (LAND CRUISER) | كل مايتعلق بالاسطورة لاندكروزر (استفسارات ، تقارير ، تجهيزات ، مواصفات) | قروب لاندكروزر | نشاطات القروب (الرحلات والتجمعات والإعلان عنها) | البيع والشراء | سيارات ، تجهيزات ، كماليات | يهمنا رايك | الاقتراحات والشكاوى | الإدارة | قسم المشرفين | قسم الادارة | مجلس قروب لاندكروزر ( عام ) | المواضيع العامة والسيارات الاخرى | لوازم الرحلات واخبارها وتقارير الطقس |



Powered by vBulletin™ Version 3.8.7
Copyright © 2018 vBulletin Solutions, Inc. All rights reserved. منتديات
This Forum used Arshfny Mod by islam servant

موقع قروب لاندكروزر هو لمجموعة من مالكي ومحبي جيوب لاندكروزر ولكزس ولا يمثل
الموقع شركة تويوتا المالك الرئيسي لعلامة TOYOTA ولا يمثل أي من وكلائها أو
موزعيها.
جميع المواضيع او المشاركات المطروحة تمثل وجهة نظر كاتبها فقط.