منتدي قروب لاندكروزر

منتدي قروب لاندكروزر (http://www.landcruisergroup.com/vb/index.php)
-   كل مايتعلق بالاسطورة لاندكروزر (استفسارات ، تقارير ، تجهيزات ، مواصفات) (http://www.landcruisergroup.com/vb/forumdisplay.php?f=13)
-   -   فصل الدفع الرباعي المستمر للاندكروزر ليكون مثل نظام القديم تشغيل الدبل عند الحاجه (http://www.landcruisergroup.com/vb/showthread.php?t=45)

أبوشهد 02-13-2014 02:46 PM

فصل الدفع الرباعي المستمر للاندكروزر ليكون مثل نظام القديم تشغيل الدبل عند الحاجه
 
الاخوة الاعزاء والغالين

السلام عليكم ورحمة الله وبركاته وبعد

كثر الكلام و الحديث عن الدفع الرباعي المستمر في مفخرة الارض :secret:

يعني الدفع بالعجلات الاربع كلها في جميع الاوقات

وهذي ميزه لايرغب بها بعض الاخوه لانها تثقل في سواقت الجيب في المدينة ..



وكالعاده لكل شي حل ..


والحمد لله

تم فصل الدفع الرباعي المستمر

وصار الموتر دفع خلفي مثل نظام الدفع

في الموديلات القديمه او الجيب النيسان


وبكل بساطه لو بغيت الدبل

تشغله ماعندك اي مشكله
بالضغط على الزر حق الدبل
ويشبك مباشره ..

وايضا
الدبل الثقيل او الدفلك نفس الكلام


يعني كانك تسوق جيب سفاري

او لانكروزر موديل 2005

يعني اذا دعست للسياره يكون الدفع بالكفرات الخلفيه فقط

ولو قرصت ع المكينه .. يفاحط الموتر .. :


ومن واقع تجربه لاكثر من سنتين حتى الان وللحمد

واكثر من 70 الف كيلو

وصلت من التجربة للتالي


الايجابيات اثناء القيادة :

- يخف الموتر بالسواقه وهذا معروف .. (تسوق بدبل اثقل من انك تسوق بدون دبل) .

-يقلل من صرف البنزين داخل البلد بشي بسيط

-عزم السياره يتحسن .

- القير العادي يفرق معهم كثير وخاصه بين الغيارات تكون اسلس بشكل كبير .

- طقة الشفت في التماتيك الي يعاني منها الكثير تخف او تتلاشي .



السفر والسرعات العاليه مافي اي فرق


الثبات مافيه اي فرق لا مع المنعطفات ولا غيره واتوقع لان السياره اصلا ثقيله ..
الا في حالة انك تخش مع لفه تمشي مليون وداعس على الاخر .. اكيد بيحوص بك الموتر ..




سلبياته :

ان الدبل يفك وتزال منه التروس .. وهذي قد بعض الاخوه ما يرغب لمس اي شي في السياره .




كيفية العمل ؟

فصل الرباعي يكون عن طريق الدبل فقط

يعني القير و الدفرنس و الدفلوك

مالها اي علاقه ياشبااااااااب

العمليه كالتالي :

يتم انزال الدبل وفكه واخراج 8 تروس صغيره من الدبل وهذي طريقتها بالتفصيل الممل

لعيونك يابوبندر

اولا هذا المزيون منبطح على السرير قبل العمليه

http://img197.imageshack.us/img197/3204/20090406374.jpg


ثم تبدا عمليه فك الدبل ..

وقبل كذا هذي صوره توضح الاجزاء الي لها دخل بالعمليه

والتصوير من الخلف ..

http://img96.imageshack.us/img96/9195/200904063651.jpg



اول شي يضع رافعه تحت القير عشان ما يتحرك ،، من باب الحرص وزود الاحترافيه في الشغل


ثم يفك العارضه الي تحمل الدبل


http://img42.imageshack.us/img42/2996/20090406368.jpg


ثم يفك المسامير


http://img692.imageshack.us/img692/722/20090406367.jpg


وينزل الدبل بعد كذا .. للذهاب للمشرحه ..


ولا حظظ القير ماله دخل ياشباب لان فيه حاجز بينهم .. فقط يشتركون بعمود كما في الصوره ..


http://img842.imageshack.us/img842/4176/20090406369.jpg


ثم هذا الدبل على المشرحه ياحبايبي ،،

http://img641.imageshack.us/img641/8416/20090406370.jpg


يتم فك الدبل واخراج التروس الثمانيه واخراج ترسين كبيرين لتلحيمهم ببعض لزيادة ضمان العمل

http://img209.imageshack.us/img209/1599/20090406371.jpg


وهذي التروس الي تم اخراجها وهي التي تقوم بعمل الدفع الرباعي المستمر


ويعطيك اياها في حال انك اردك ارجاعه كما كان فيما بعد


http://img831.imageshack.us/img831/7...0120101618.jpg



ثم ياخذ الترسين الكبار للمخرطه ويتم لحمهم ببعض لزياده ضمان العمل بشكل متقن ،،

ولا هي تسقط في مكان ومجرى مخصص لها

http://img840.imageshack.us/img840/34/20090406372.jpg

ثم تلحم بشكل جيد وتصنفر وتنعم للاحترافيه في العمل ،،

http://img27.imageshack.us/img27/9490/20090406373.jpg

ثم يرجع الدبل مكانه ويعاد الزيت نفسه تبع الوكاله للدبل ،،

http://img4.imageshack.us/img4/8149/20090406376.jpg




ثم تشد المسامير

http://img130.imageshack.us/img130/2388/20090406366.jpg


ثم الحلقه الاخيره وهي


بالعافيه عليك الموتر

بيكون خوقاقي .. وخفيف نفس ،،


http://img72.imageshack.us/img72/3180/dsc0527a.jpg





واخيرا


هذا رقم الميكانيكي وهو شخص خبير وشغلته ممتازة .. وميزتة سعودي ويضمن شغله


والي بيتعامل معه بيعرف طيبته واخلاقه


والشغله بتكلف من 1200 حتى 1500

على حسب نوع السياره والمكينه ..


وتاخذ 6 ساعات بالكثير


ومن يتصل عليه يقوله جايك من طرف ابوشهد وان شالله بيبيض الوجه وزياده

0554000552

واي استفسار حاضرين للطيبين

دمتم بود

محبكم

ابوشهد



هاوي دبي 02-16-2014 08:28 AM

ماشاء الله عمل رائع واحترافي
والله يبارك لك في موترك

أبومفلح 02-16-2014 01:37 PM

بيض الله وجهك يا ابو شهد

majed alothman 02-17-2014 06:25 PM

الله يعطيك العافية

انا اشهد ان الوتر يخف.....خاصة القير العايدي

فصلت 3 مواتر ولله الحمد ماشفت اي خلاف............2 قير عايدي وواحد تمتكلي

التماتيك مافرق واجد الا ان حرة الدبل تروح

اما العايدي.............. حبيب القلب.............. فالفرق واضح ويفرق جدا جدا

تحياتي يبو شهد ................

A.A.AL-BURAIH 02-19-2014 06:33 AM

ماشاء الله عمل رائع واحترافي
والله يبارك لك في موترك

ثامر الظفيري 04-01-2014 12:20 PM

السلام عليكم ورحمة الله وبركاته

ماشاء الله عليك يابو شهد تقرير وافي

كامل من شرح وصور وعمل تشكر عليه

الله يكفيك شره ويعطيك من خيره

البركان 09-14-2014 06:29 AM

السلام عليكم ورحمة الله وبركاته
عندي مشكله في الدبل وهي ان السياره تشتغل ومافيه شي
ولكن اذا بغيت امشي تطفي السياره
السياره لاندكروزر 2007 توماتيك
ممكن احد يفزعلي يارجال

البركان 09-15-2014 11:04 AM

الظاهر ماعندكم حل لمشكلتي

علي الجزائري 11-28-2014 11:03 PM

ممتاز هذا يناسب قير عادي

VXR,777 05-23-2015 02:23 PM

الله يبارك لك بموترك يا ابو شهد ، بسس وين مكانه الميكانيكي هذا ؟


الساعة الآن 10:14 PM

Powered by vBulletin™ Version 3.8.7
Copyright © 2018 vBulletin Solutions, Inc. All rights reserved. منتديات
This Forum used Arshfny Mod by islam servant